Fótbolti

Viktor Bjarki fór meiddur af velli skömmu fyrir lands­leik

Ágúst Orri Arnarson skrifar
Viktor Bjarki er að glíma við meiðsli í læri. 
Viktor Bjarki er að glíma við meiðsli í læri.  Kristian Tuxen Ladegaard Berg/NurPhoto via Getty Images

Viktor Bjarki Daðason fór meiddur af velli í fyrri hálfleik í umspilsleik FC Kaupmannahafnar og Bröndby upp á sæti í Sambansdeildinni. 

Viktor Bjarki lagðist í grasið og hélt um lærið á 37. mínútu leiksins. Honum var skipt af velli fyrir Elias Achouri. 

Framherjinn ungi var nýlega valinn í landsliðshóp Íslands í fyrsta sinn en gæti misst af æfingaleiknum gegn Japan þann 31. maí.

Hann hefur verið að glíma við meiðsli að undanförnu og missti alfarið af síðasta leik FCK en var talinn klár í slaginn fyrir þennan leik, þar til annað kom í ljós.

Án Viktors Bjarka tókst FCK ekki að vinna erkifjandaslaginn. 1-1 jafntefli varð niðurstaðan en framlenging fer nú fram, enda er um að ræða úrslitaleik um sæti í Sambandsdeildinni.

Framlenging fer nú fram og fréttin verður uppfærð þegar úrslit leiksins liggja fyrir…

Danski boltinn Landslið karla í fótbolta

Mest lesið


Fleiri fréttir

Sjá meira


×

Mest lesið