Sjálf­kjörið á Vopna­firði

Frá þessu segir í yfirlýsingu frá yfirkjörstjórn Vopnafjarðarhrepps á vef sveitarfélagsins. „Þar af leiðandi verða engar kosningar til sveitarstjórnar í Vopnafjarðarhreppi þann 16. maí 2026,“ segir í yfirlýsingunni.

Nokkuð hefur gustað um sveitarstjórn í Vopnafjarðarhreppi á kjörtímabilinu. Þannig náðist samkomulag um starfslok sveitarstjóra á vordögum 2024. Fyrr á þessu ári var svo samið um starfslok annars sveitarstjórans og í kjölfarið hætti oddviti meirihlutans og þá ákvað sveitarstjórnarfulltrúi að gefa ekki kost á sér í komandi kosningum eftir að oddviti minnihlutans gerði athugasemd við að hún talaði ensku.

Tveir listar buðu fram í sveitarfélaginu í kosningunum fyrir fjórum árum - Framsóknarflokkur með óháðum og Vopnafjarðarlisti. Einungis fimm atkvæðum munaði þá þar sem B-listi Framsóknar og óháðra hlaut 190 atkvæði (50,8%) en H-listi Vopnafjarðarlistans 185 atkvæði (49,4%).