Sprengingin hjá Fóður­blöndunni og á­hyggjur af stríðinu í Íran

Öllu flugi til og frá landinu var aflýst í dag vegna óveðursins sem geisaði á mestöllu landinu. Tíu þúsund farþegar sem áttu bókað flug með Icelandair voru á meðal þeirra sem sátu fastir. Við skoðum aðstæður á Keflavíkurflugvelli í fréttatímanum og ræðum við veðurfræðing í beinni.

Áhyggjur leiðtoga Evrópuríkja fara vaxandi út af stríðinu í Íran og óttast þeir að það dragist á langinn. Þeir hittust í Brussel í dag til að ræða viðbrögð við hækkandi olíuverði. Við förum yfir málið í fréttatímanum.

Gert er ráð fyrir að allt að 3.700 íbúðir geti risið í nýju Hallahverfi í Úlfarsárdal. Heiða Björg Hilmisdóttir kemur til okkar og fer yfir málið.

Þá segjum við frá því að skekkja í íslenskum skaðabótalögum hækkar iðgjöld viðskiptavina tryggingafélaga og kostar samfélagið milljarða á ári.

Tómas Arnar fréttamaður fer svo í Þjóðleikhúskjallarann þar sem sögufrægur söngleikur verður frumsýndur í kvöld og kynnum við okkur HM innanhúss í frjálsum íþróttum þar sem Ísland á þrjá fulltrúa.