Þau skipa lista Við­reisnar í Reykja­vík

Viðreisn í Reykjavík kynnti í kvöld lista sinn fyrir borgarstjórnarkosningarnar í vor við athöfn í Laugarnesskóla. Listinn var valinn af nefnd, að undanskildum oddvitanum.

Eins og fram hefur komið leiðir fjölmiðlakonan Björg Magnúsdóttir, fyrrverandi aðstoðarmaður Einars Þorsteinssonar, listann. Í janúar vann Björg Magnúsdóttir sannfærandi sigur í oddvitaprófkjöri flokksins í Reykjavík, þar sem hún hlaut tæplega 48 prósent greiddra atkvæða. Í ræðu í kvöld boðaði Björg „vorhreingerningu“ í höfuðborginni.

Róbert Ragnarsson, fyrrverandi bæjarstjóri Voga og Grindavíkur, skipar annað sæti listans en hann var einn þriggja mótframbjóðenda Bjargar í prófkjörinu. Hinir tveir mótframbjóðendurnir eru ekki á listanum. 

Þriðja sætið skipar leikarinn Þorvaldur Davíð Kristjánsson. Hann hafði verið orðaður við framboð fyrir Sjálfstæðisflokkinn í borginni fyrir áramót en á þeim tímapunkti blásið af allan orðróm um framboð.

Fyrrverandi framkvæmdastjóri þingflokks Pírata

Margrét Rós Sigurjónsdóttir, umhverfisfræðingur og framkvæmdastjóri Kolaportsins, skipar fjórða sæti en hún er fyrrverandi framkvæmdastjóri þingflokks Pírata.

Eyþór Máni Steinarsson, einn stofnenda Hopp, skipar svo fimmta sætið. Sjötta sætið skipar Sandra Hlín Guðmundsdóttir, náms- og starfsráðgjafi Borgarholtsskóla og formaður Félags náms- og starfsráðgjafa. Sverrir Páll Einarsson, formaður ungliðahreyfingarinnar Uppreisnar, skipar sjöunda sætið.

Listinn allur:

1. Björg Magnúsdóttir, fjölmiðlakona og handritshöfundur
2. Róbert Ragnarsson, stjórnsýsluráðgjafi
3. Þorvaldur Davíð Kristjánsson, leikari
4. Margrét Rós Sigurjónsdóttir, umhverfisfræðingur og framkvæmdastjóri Kolaportsins
5. Eyþór Máni Steinarsson, frumkvöðull og meðstofnandi Hopp
6. Sandra Hlín Guðmundsdóttir, náms- og starfsráðgjafi Borgarholtsskóla og formaður Félags náms- og starfsráðgjafa
7. Sverrir Páll Einarsson, forseti Uppreisnar, ungliðahreyfingar Viðreisnar og laganemi
8. Monika Katarzyna Waleszczyńska, mannauðsstjóri
9. Samúel Torfi Pétursson, skipulagsverkfræðingur
10. Ingunn Rós Kristjánsdóttir, sálfræðikandídat, starfsmaður íbúðakjarna og formaður Viðreisnar í Reykjavík
11. Hákon Skúlason, framkvæmdastjóri
12. Emma Ósk Ragnarsdóttir, kennari og stjórnmálafræðingur
13. Oddgeir Páll Georgsson, hugbúnaðarverkfræðingur
14. Helga Dögg Björgvinsdóttir, viðskiptafræðingur
15. Bjartur Hrafn Jóhannsson, starfsmaður neyðarskýlis
16. Ragnheiður Dóra H. Jónsdóttir, stjórnmálafræðinemi og frístundaleiðbeinandi
17. Jón Steindór Valdimarsson, lögfræðingur
18. Ester Ósk Gestsdóttir Waage, verkefnastjóri
19. Bjarki Fjalar Guðjónsson, lögfræðingur
20. Diljá Ámundadóttir Zoega, fyrrv. varaborgarfulltrúi og sálgætir
21. Hjálmar Gíslason, stofnandi og framkvæmdastjóri GRID
22. Emilía Björt Írisard. Bachmann, starfsmaður þingflokks Viðreisnar
23. Sverrir Örn Kaaber, fyrrv. skrifstofustjóri
24. Noorina Khalikyar, læknir
25. Steinar Logi Hafsteinsson, fyrirtækjaráðgjafi
26. Ólöf Hugrún Valdimarsdóttir, deildarfulltrúi og verkefnastjóri hjá Listaháskóla Íslands
27. Gústaf Berg Guðnýjarson, stjórnmálafræðingur
28. Íris Arnlaugsdóttir, verkefnastjóri
29. Unnar Geir Unnarsson, deildarstjóri
30. Jana Guðrún Jahzara T. Maillard, nemi
31. Jakob Löve, hagfræðinemi
32. Jóhanna Fjóla Ólafsdóttir, leiklistar- og tónlistarfræðingur
33. Rúnar Guðjónsson, hagfræðingur
34. María Malmquist, lögfræðinemi
35. Ásmundur Helgason, bókaútgefandi
36. Draumey Ósk Ómarsdóttir, leikskólaleiðbeinandi
37. Helgi Hrafn Gunnarsson, hugbúnaðarsmiður og tækniráðgjafi
38. Kristín A. Árnadóttir, fyrrv. sendiherra
39. Haukur Árnason, kennari
40. Andrea Þormar, list- og safnafræðingur
41. Árni Grétar Jóhannsson, leikstjóri og leiðsögumaður
42. Anna Hildigunnur Jónasdóttir, gagnasérfræðingur
43. Úlfur Atli Stefaníuson, launaráðgjafi
44. Ingileif Friðriksdóttir, aðstoðarmaður utanríkisráðherra
45. Jón Gnarr, þingmaður og fyrrv. borgarstjóri
46. Þórdís Lóa Þórhallsdóttir, borgarfulltrúi og fráfarandi oddviti Viðreisnar í Reykjavík