Guð­laugur Þór kampa­kátur þegar listinn var kynntur

Stemningin í salnum var rafmögnuð og eftirvæntingin fyrir listanum mikil enda ljóst að um mikla endurnýjun væri að ræða. 

Loks þegar listinn var kynntur kom í ljós að fjölmörg ný nöfn voru í efstu sætum: Bjarni Guðjónsson, Brynjar Níelsson, Guðný María Jóhannsdóttir, Bjarni Fritzson og Rúnar Freyr Gíslason sem var í heimsókn hjá Loga Bergmann Eiðssyni í Washington og því fjarri góðu gamni.

Á meðal gesta mátti sjá reynslubolta og kunnugleg andlit úr pólitík. Þar á meðal voru Kjartan Gunnarsson, fyrrverandi framkvæmdastjóri flokksins; Sigurður Kári Kristjánsson, lögmaður og fyrrverandi alþingismaður; Sólveig Pétursdóttir, fyrrverandi dómsmálaráðherra; Birgir Ármannsson, fyrrverandi forseti Alþingis og svo létu Eyþór Arnalds og Inga Jóna Þórðardóttir, bæði sjá sig en þau eru fyrrverandi oddvitar flokksins í Reykjavík.

Einnig var Guðrún Hafsteinsdóttir, formaður Sjálfstæðisflokksins, mætt,  heilsaði upp á gesti og undirstrikaði mikilvægi komandi kosninga.