Ómar Ingi marka­hæstur þegar Magdeburg tryggði sig inn í átta liða úr­slit

Magdeburg vantaði bara eitt stig til að gulltryggja sig og landaði báðum stigum.

Þýska liðið vann leikinn 37-30 eftir að hafa verið 17-15 yfir í hálfleik.

Magndeburg hefur unnið alla ellefu leiki sína í keppninni í vetur og er með tveggja stiga forskot á Barcelona sem er líka öruggt með sæti í átta liða úrslitunum eftir sigur í kvöld.

Íslenski landsliðsfyrirliðinn Ómar Ingi Magnússon var markahæstur í liði Magdeburg með sex mörk en Gísli Þorgeir Kristjánsson skoraði tvö mörk. Gísli gaf þrjár stoðsendingar og Ómar var með tvær slíkar. Öll mörk Ómars komu úr vítaskotum.

Elvar Örn Jónsson er enn að jafna sig á meiðslunum sem hann varð fyrir með íslenska landsliðinu á Evrópumótinu.

Tim Hinke og Philipp Weber skoruðu báðir fimm mörk.