Biður Dag af­sökunar

Kljajic hefur ekki hikað við að gagnrýna opinberlega það sem honum mislíkar við ákvarðanir teknar af króatíska handknattleikssambandinu. 

Það gerði hann til að mynda þegar að Dagur Sigurðsson var ráðinn landsliðsþjálfari Króatíu í febrúar fyrir tæpum tveimur árum síðan.

Dagur er afar sigursæll þjálfari, hann gerði meðal annars Þjóðverja að Evrópumeisturum árið 2016 og eftir að hann tók við þjálfun króatíska landsliðsins hefur liðið unnið til verðlauna á  stórmótum tvö ár í röð. 

Króatía vann silfur á HM í fyrra og í dag tryggði liðið sér bronsverðlaun á EM. Þessi árangur liðsins undir stjórn Dags hefur orðið til þess að Kljajic biður Dag nú afsökunar.

„Bravó strákar, frábær árangur,“ skrifaði Kljalic í færslu á samfélagsmiðlum eftir að Króatar höfðu lagt Ísland að velli í leiknum um bronsverðlaun á EM fyrr í dag. Kljalic hrósaði leikmönnum króatíska landsliðsins sem og þjálfarateyminu.

„Ég vil hér með biðja Dag Sigurðsson afsökunar á orðum mínum þegar að hann var ráðinn landsliðsþjálfari Króatíu á sínum tíma. Ráðning hans hefur reynst heillaskref.“

Þá var Kljalic sérstaklega ánægður með blaðamannafund Dags á dögunum fyrir undanúrslitaleikina á EM þar sem að hann gagnrýndi keppnisfyrirkomulagið á stórmótinu harkalega svo eftir því var tekið.

„Ég nýt þess að sjá baráttuandann hjá leikmönnum liðsins. Við skiljum allt eftir inn á vellinum, ekkert annað landslið getur skákað okkur í þeim efnum.“