Gagn­rýndi Paul: „Beið eftir að verða sleginn“

Joshua, sem varð á sínum tíma tvívegis heimsmeistari í þungavigt, þurfti sex lotur til að sigra Paul sem átti í vök að verjast í bardaganum í nótt. Hann átti til að mynda aðeins sextán heppnuð högg í viðureigninni.

„Paul var ekki í góðu formi, sérstaklega gegn svona stórum þungavigtarboxara,“ sagði Lewis eftir bardagann í Miami.

„Það sást eftir nokkrar lotur. Hann var bara þarna og beið eftir að verða sleginn,“ bætti gamli heimsmeistarinn við.

Lewis fannst Joshua heldur ekkert sérstakur í bardaganum og þótti hann virka ryðgaður.

„Það sást að hann hafði ekki keppt í fimmtán mánuði. Hann þurfti nokkrar lotur til að hita sig upp og venjast hringnum á ný áður en hann lét höggin dynja. Hann gerði það sem hann þurfti. Hann keppti á móti boxara sem hljóp um hringinn og hann varð að ná honum,“ sagði Lewis.

Paul fór á spítala eftir bardagann og síðar kom í ljós að hann var tvíkjálkabrotinn. Hann ætlar samt að halda ótrauður áfram eftir smá hlé frá hringnum.