Glódís gæti þurft að ryðja Man. Utd og Barcelona úr vegi að úr­slita­leiknum

Úrslitaleikurinn fer fram í Osló 23. maí og ef að Glódís á að geta leitt lið sitt inn á Ullevaal-leikvanginn er afar líklegt að Barcelona verði stærsta hindrunin á veginum. Fyrst þarf Bayern hins vegar að slá út Atlético Madrid eða Manchester United.

Tólf lið eru komin áfram í keppninni og er Bayern eitt þeirra fjögurra sem komin eru beint í 8-liða úrslit. Hin þrjú eru Barcelona, Chelsea og Lyon. Átta lið fara fyrst í umspil og þaðan komast fjögur í 8-liða úrslitin.

Umspilið:

1. Atlético Madrid - Manchester United
2. Paris FC - Real Madrid
3. OH Leuven - Arsenal
4. Wolfsburg - Juventus

Sigurliðin fjögur mæta svo fjórum efstu liðunum í 8-liða úrslitum, eins og fyrr segir, svo þau líta svona út:

1. Atleti/Man. Utd – Bayern München
2. Paris FC/Real Madrid – Barcelona
3. OH Leuven/Arsenal – Chelsea
4. Wolfsburg/Juventus – Lyon

Sigurliðin úr einvígi 1 og 2 mætast svo í undanúrslitum, sem þýðir að þar gæti Bayern mætt Barcelona, og sigurliðin úr einvígi 3 og 4 mætast.

Leikirnir í umspilinu verða 11.-12. og 18.-19. febrúar. Leikirnir í 8-liða úrsiltum verða 24.-25. mars og 1.-2. apríl, og undanúrslitin svo 25.-26. apríl og 2.-3. maí. Eins og fyrr segir er svo úrslitaleikurinn sjálfur 23. maí.