„Hættiði að horfa á klám og hættiði að runka ykkur“

Martinsen hafði fagnað sigri í bardaganum sínum við Andreas Iversen og var eins og vaninn er tekinn í viðtal í hringnum eftir að bardaganum lauk.

Martinsen hafði áður viðurkennt að hafa glímt við klámfíkn í langan tíma og tjáð sig um skömmina, hræðsluna og slæmu áhrifin sem slíkt hafði á hann sem keppnismann.

Hann var ekki að bíða með hlutina heldur byrjaði viðtalið á því að ráðleggja eitt.

„Hættiði að horfa á klám og hættiði að runka ykkur,“ sagði Alexander Martinsen og vildi þarna gefa ungum karlmönnum ráð ætli þeir að ná langt í sinni íþrótt.

„Ég og þjálfarinn töluðum saman fyrir tveimur dögum um nokkur atriði sem ég þurfti að breyta hjá mér,“ sagði Martinsen.

„Það ættu ekki að vera nýjar fréttir fyrir neinn að ég hef verið að vinna í ákveðnum vandamálum í mínu lífi. Ég talaði aðeins um það í fjölmiðlum,“ sagði Martinsen og vísaði þá í umfjöllunina um klámfíkn hans.

„Formið mitt og árangurinn í kvöld er því að þakka að nú eru tíu vikur síðan ég losaði,“ sagði Martinsen og sýndi merki þess að fróa sér. Öll orkan fór í að undirbúa sig fyrir bardagann og það bar árangur. 

„Ég var rosalega ánægður með sigurinn í dag á móti góðum andstæðing og ekki síst þar sem að þetta hefur verið mjög erfitt ár fyrir mig,“ sagði Martinsen. Það má sjá brot úr viðtalinu hér fyrir neðan.