Fékk ó­vart rautt spjald

Chris Wilder fékk þá rauða spjaldið frá Adam Herczeg dómara.

Wilder var mjög pirraður á stöðunni en Sheffield United hafði fengið dæmda á sig vítaspyrnu í uppbótatíma fyrri hálfleiks.  Southampton nýtti ekki vítið og United var enn yfir í hálfleik en Wilder var engu að síður mjög ósáttur.

Á leið sinni til búningsklefans þá sparkaði Wilder bolta upp í stúku og hitti því miður einn áhorfandann.

Wilder ætlaði sér ekki að hitta neinn og sá um leið mikið eftir þessu. Hann fór strax upp í stúku og bað áhorfandann óheppna afsökunar á þessu.

Þegar knattspyrnustjórinn kom aftur til baka niður á völlinn þá beið hins vegar dómarinn eftir honum með rauða spjaldið.

Sheffield United tapaði leiknum 2-1 og hefur þar með tapað öllum fjórum heimaleikjum tímabilsins og alls sjö sinnum í fyrstu átta leikjunum á leiktíðinni.

Hér fyrir neðan má sjá myndband af atvikunu á Bramall Lane í gær.