Aug­lýsa eftir inn­sendingum til ís­lensku sjónvarps­verð­launanna

Ljósvakamiðlarnir Sýn, Sjónvarp Símans og Ríkisútvarpið stofnuðu til sérstakra sjónvarpsverðlauna á síðasta ári eftir að Íslenska kvikmynda- og sjónvarpsakademían (ÍKSA) ákvað að aðskilja afhendingu verðlauna fyrir sjónvarpsefni og kvikmyndir á Eddunni.

Íslensku sjónvarpsverðlaunin verða veitt í fyrsta sinn á uppskeru- og verðlaunahátíð sjónvarpsgeirans í Gamla bíói í Reykjavík. Veitt verða verðlaun fyrir sjónvarpsefni sem var frumsýnt á Sýn, Sjónvarpi Símans og Rúv á árunum 2023 og 2024 þar sem ekki hefur verið verðlaunað fyrir sjónvarpsefni frá því árið 2023.

Áætlað er að verðlaunin verði haldin árlega og að í framtíðinni verði þá afhent verðlaun fyrir efni sem frumsýnt er á hverjum sjónvarpsvetri. Verðlaunað verður í eftirtöldum flokkum:

• Barna- og unglingaefni ársins
• Frétta- eða viðtalsefni ársins
• Íþróttaefni ársins
• Leikið sjónvarpsefni ársins
• Menningar- og mannlífsefni ársins
• Skemmtiefni ársins
• Sjónvarpsviðburður ársins
• Heimildaefni ársins
• Sjónvarpsefni ársins (val fólksins)
• Sjónvarpsmanneskja ársins
• Útsendingarstjóri ársins
• Leikari ársins
• Leikkona ársins
• Leikstjóri ársins
• Tónlist ársins
• Leikmynd ársins
• Brellur ársins
• Búningar ársins
• Gervi ársins
• Handrit ársins
• Hljóð ársins
• Klipping ársins
• Kvikmyndataka ársins

Auglýst er eftir innsendingum í fyrrgreindum flokkum og tekið er á móti þeim til og með 31. ágúst. Dómnefndarakademía mun annast mat á innsendingum og tilkynnt verður um tilnefningar í upphafi októbermánaðar.

Hér má finna slóð á innsendingarnar: https://mitt.ruv.is/ 

Ef þörf er á aðstoð má senda fyrirspurnir á sjonvarpsverdlaunin@gmail.com

Vísir er í eigu Sýnar.