Dæmdur fyrir að myrða tengda­föður sinn

Serafini var dæmdur sekur um að myrða tengdaföður sinn auk þess að reyna myrða tengdamóður sína og fyrir að brjótast inn til þeirra.

„Loksins var réttlætinu fullnægt,“ sagði Adrienne Sphor, dóttir mannsins sem Serafini skaut til bana.

„Þetta hafa verið fjögur ár af helvíti síðan að mamma og pabbi voru skotin. Núna einbeitum við okkur að refsingunni og að sjá til þess að Dan Serafini sleppi aldrei aftur úr fanglesi,“ sagði Adrienne.

Serafini myrti hinn sjötuga Robert Gary Spohr árið 2021. Hann reyndi líka að skjóta eiginkonu Spohr, Wendy Wood, en hún lifði árásina af. Wendy framdi hins vegar sjálfsmorð tveimur árum seinna sem fjölskyldan telur hafa verið eftirmálar af þessari hræðilegu árás.

Serafini braust inn í húsið þeirra og var þar í þrjá klukkutíma áður en hann lét til skarar skríða. Tvö börn, eitt þriggja ára og hitt átta mánaða, voru í húsinu þegar morðið var framið.

Saksóknarar héldu því fram að ástæða morðsins hafi verið deilur um peninga vegna endurbóta á búgarði. Eldri hjónin voru að fjárfesta í verkefni Serafini sem hafði fengið níutíu þúsund dollara frá þeim fyrr sama dag og hann framdi morðið en það eru meira en ellefu milljónir.

Serafini þénaði fjórtán milljónir dollara á ferlinum,1,7 milljarða króna, en var í miklum fjárhagskröggum þegar þarna var komið.

Serafini verður í gæsluvarðhaldi þar til að refsingin verður ákveðin 18. ágúst næstkomandi. Það er líklegast að hann fái ævilangan fangelsisdóm.

Ástkona Serafini, Samantha Scott, næstum því tuttugu árum yngri, var einnig dæmd meðsek fyrir að aðstoða hann. Hún var áður barnfóstra hjá þeim hjónum.

Serafini var valinn í MLB deildina af Minnesota Twins árið 1992. Hann lék með sex félögum í deildinni þangað til að skórnir fóru upp á hillu árið 2007. Síðustu þrjú árin lék hann í Japan. Hann fékk fimmtíu leikja bann á lokatímabili sinu fyrir að nota ólögleg lyf.