Tíska og hönnun

Er Rihanna best klædda mamma allra tíma?

Dóra Júlía Agnarsdóttir skrifar
Rihanna ekkert smá töff á því í Los Angeles í gær.
Rihanna ekkert smá töff á því í Los Angeles í gær. DUTCH/Bauer-Griffin/GC Images

Stórstjarnan Rihanna heldur áfram að slá met fyrir einhvern flottasta meðgöngustíl sem sést hefur. Söngkonan sem á von á sínu þriðja barni með rapparanum A$AP Rocky er þekkt fyrir stórglæsilegan stíl og virðist njóta þess enn betur að klæða sig upp á meðgöngunni.

Rihanna er fædd árið 1988 og er ein frægasta tónlistarkona í heimi. Síðastliðin ár hefur tískan tekið yfir tónlistina hjá henni en hún er með fata, snyrtivöru og nærfatamerkið Fenty. 

Sömuleiðis hefur hún farið með hlutverk í ýmsum kvikmyndum og talar inn á aðalhlutverk í nýjustu teiknimyndinni um Smurfs strumpana ásamt því að semja tónlistina. 

Hún hefur verið á útstáelsi að kynna myndina og rokkaði Saint Lauren galakjól á frumsýningunni í gær. Nokkrum klukkutímum síðar var hún svo komin í sögulegt Alaïa fitt sem hlýtur að geta unnið til einhverra tískuverðlauna sem nettasta meðgöngulúkk allra tíma. 

Hátískan hefur fylgt þessari meðgöngu frá upphafi en Rihanna afhjúpaði óléttuna eftirminnilega á stærsta tískuviðburði ársins í byrjun maí, Met gala. Er Rihanna nettasta mamma allra tíma? Fjöldi fólks myndi eflaust svara þessu játandi. 

Tíska og hönnun Hollywood Tónlist Bíó og sjónvarp

Tengdar fréttir

Rihanna fetar í fótspor Ladda

Barbadoska söngkonan Rihanna mun talsetja fyrir Strympu í nýrri mynd Paramount um Strumpana frá Strumpalandi. Hún fetar þar með í fótspor Katy Perry, Demi Lovato og Ladda sem talaði fyrir alla Strumpana í sjónvarpsþáttum um litlu bláu verurnar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.