Samþykkja til­boð Totten­ham í Kudus

Félögin hafa nú talað sig saman um 55 milljónir punda en Kudus hafði að sögn aðeins áhuga á að ganga til liðs við Tottenham og hafði þegar komist að munnlegu samkomulagi við félagið áður en West Ham gaf grænt ljós á skiptin. 

Kudus, sem er landsliðsmaður Gana, gekk til liðs við West Ham frá Ajax 2023 og kostaði þá 38 milljónir punda. Hann var með söluákvæði í samningi sínum við West Ham sem nam 85 milljónum en það var mögulega ofmat. Á síðustu tveimur tímabilum hefur hann leikið 65 deildarleiki fyrir West ham, skorað 13 mörk og lagt upp níu.

Í það minnsta sex önnur stórlið höfðu haft samband við West Ham um möguleg félagskipti en hinn 24 ára Kudus hafði aðeins augastað á Tottenham.