Pogba orðinn leik­maður AS Monaco

Pogba, sem er 32 ára, var dæmdur í fjögurra ára bann frá allri knattspyrnuiðkunn í september 2023 eftir að hafa fallið á lyfjaprófi en bannið var síðar stytt í 18 mánuði.

Pogba gekk í raðir Juventus sumarið 2022 eftir að samningur hans við Manchester United rann út. Hann náði aðeins að leika átta deildarleiki fyrir Juventus, bæði vegna meiðsla og var svo dæmdur í bann í upphafi tímabilsins 2023. 

Hann byrjaði að æfa á ný í janúar og hafnaði því m.a. að fara til Sádí Arabíu og Bandaríkjanna þar sem hann vildi leika áfram í Evrópu. Þrátt fyrir að vera uppalinn í unglingaliðum í Frakklandi verður þetta í fyrsta sinn á ferli Pogba þar sem hann leikur með meistaraflokki og í efstu deild í Frakklandi en hann gekk til liðs við Manchester United aðeins 16 ára gamall.