Ástin kviknaði á Humarhátíð

Diljá þakkar Humarhátíðinni á Höfn í Hornarfirði fyrir þennan ástarfund en hátíðin er haldin á ári hverju í lok júní.

„Tvö ár síðan að við hittumst fyrst á kaffihúsi í hádeginu í Austur-Skaftafellssýslu #takkhumarhátíð,“ skrifar Diljá á Instagram síðu sinni. 

Diljá skaust upp á íslenska stjörnuhimininn árið 2023 þegar hún bar sigur úr býtum í Söngvakeppninni með laginu Power. Í kjölfarið steig hún á Eurovision sviðið í Liverpool vorið 2023 og fann ástina rúmum mánuði síðar. 

Hennar heittelskaði Róbert Andri Drzymkowski starfar einnig sem tónlistarmaður og er aðalsöngvari sveitarinnar Nostalgía.