Taplausir ÍR-ingar juku for­skot sitt á toppnum

Liðin sættust á markalaust jafntefli eftir baráttuleik. Keflvíkingar voru mun hættulegri en tókst ekki að ná inn sigurmarkinu þrátt fyrir fjölda góðra tilrauna.

ÍR hefur þar með enn ekki tapað deildarleik í sumar er með fimm sigra og fjögur jafntefli í níu leikjum. Það skilar liðinu nítján stigum eða tveimur stigum meira en Njarðvík og HK.

Keflvíkingar gerðu aftur á móti sitt þriðja jafntefli í röð og hafa aðeins unnið þrjá af átta deildarleikjum sínum i sumar. Það skilar liðinu bara sjöunda sæti en liðin í öðru til fimmta sæti komast í úrslitakeppnina um laust sæti í Bestu deildinni.

Keflvíkingar enduðu leikinn manni færri eftir að leikmaður þeirra Nacho Heras fékk rauða spjaldið undir lok leiksins fyrir að brjóta á leikmanni sem var sloppinn í gegn. Brotið var fyrir utan teig og ÍR fékk því bara aukaspyrnu sem nýttist ekki.

Jóhann Birnir Guðmundsson, þjálfari ÍR, var þarna að stýra liði sínu á móti uppeldisfélaginu.

ÍR og Njarðvík gerðu bæði jafntefli í þessari umferð og HK komst nær þeim með fjórða sigri sínum í fimm leikjum.