Fékk hafna­bolta í and­litið á 170 km hraða

Hunter Bigge heitir leikmaðurinn, en hann var ekki að spila í leiknum, sökum þess að hann var að jafna sig af tognun. Hann hafði því staðið hjá bekk liðsins þegar atvikið átti sér stað.

Það var leikmaður Baltimore Orioles, Adley Rutschmann sem sló boltann, hann hitti boltann illa og fór beint í andlitið á Bigge.

Sjúkrateymi á staðnum dreif sig strax í að aðstoða Bigge, settu hann í hálsfesti og komu honum á börur áður en hann komst upp á sjúkrahús.

„Maður finnur til með Hunter og eiginkonu hans. Ég get ekki ímyndað mér hvað þau eru að ganga í gegnum. Þetta er hræðilegt fyrir alla, en sérstaklega fyrir þau,“ sagði þjálfari liðsins Kevin Cash.