Svein­dís Jane og Rob ást­fangin í Abu Dhabi

Sveindís birti myndir úr ferðinni á Instagram-síðu sinni og skrifaði: „Takk fyrir allar afmæliskveðjurnar! Ég átti yndislegan dag í Abu Dhabi með frábæru fólki.“

Dagurinn virðist hafa verið afar notalegur og viðburðaríkur. Parið fór meðal annars í hinn margrómaða útsýnisturn, Observation Deck í Etihad Towers, og út að borða í góðum félagsskap. Um kvöldið sýndi Rob sínar rómantísku hliðar á glæsilegu hótelherbergi og kom sinni heittelskuðu með rauðum rósablöðum og blöðrum í tilefni dagsins.

Rúmlega sjö þúsund manns hafa líkað við færsluna og hamingjuóskir hlaupa á rúmlega sex tugum.

Sveindís og Rob byrjuðu að hittast í lok síðasta árs en fyrstu myndir af parinu birtust á samfélagsmiðlum í desember 2024.