Fótbolti

Davíð Snær skoraði og lagði upp

Runólfur Trausti Þórhallsson skrifar
Davíð Snær lék vel í kvöld.
Davíð Snær lék vel í kvöld. Álasund

Davíð Snær Jóhannsson kom að báðum mörkum Álasunds þegar liðið gerði 2-2 jafntefli við Stabæk í norsku B-deildinni í fótbolta.

Gestirnir í Stabæk skoruðu tvívegis í fyrri hálfleik og voru í toppmálum þegar síðari hálfleikur hófst. Davíð Snær var í byrjunarliði Álasunds og Ólafur Guðmundsson var kominn inn af bekknum þegar endurkoman hófst.

Davíð Snær lagði upp fyrra mark heimamanna á 64. mínútu og nældi sér í gult spjald stuttu síðar. Hann jafnaði svo metin á 81. mínútu.

Lokatölur 2-2 og liðin því einu stigi ríkari. Eftir 9 leiki er Álasund með 14 stig í 8. sæti.

Fótbolti Norski boltinn

Mest lesið


Fleiri fréttir

Sjá meira


×

Mest lesið