ÍR á­fram tap­laust á toppnum eftir sigur í Breiðholts­slag

Eina markið í Breiðholti skoraði Óðinn Bjarkason, lánsmaður frá KR. Markið kom strax eftir rúman stundarfjórðung og þar við sat.

Í Kórnum í Kópavogi vann HK öruggan 3-0 sigur á botnliði Fjölnis. Brynjar Snær Pálsson, Dagur Orri Garðarsson og Birnir Breki Burknason með mörkin. Sigurinn hefði getað verið stærri en Dagur Orri misnotaði vítaspyrnu í leiknum.

Fylkir heldur áfram að hiksta en Árbæingar gerðu 1-1 jafntefli við Grindavík á heimavelli í kvöld. Þóroddur Víkingsson kom Fylki yfir en Ármann Ingi Finnbogason jafnaði metin.

Eftir leiki kvöldsins er ÍR með 18 stig á toppnum að loknum átta leikjum. HK er með 14 stig í 2. sæti, Grindavík í 7. sæti með 11 stig, Leiknir og Fylkir með 7 stig í 9. og 10. sæti á meðan Fjölnir er á botninum án sigurs með aðeins þrjú stig.