Fótbolti

Ís­lensku konurnar niður um eitt sæti á FIFA-listanum

Óskar Ófeigur Jónsson skrifar
Sveindís Jane Jónsdóttir og félagar hennar í íslenska kvennalandsliðinu mæta á Evrópumótið í Sviss sem fjórtánda besta landslið heims samkvæmt styrkleikalista FIFA.
Sveindís Jane Jónsdóttir og félagar hennar í íslenska kvennalandsliðinu mæta á Evrópumótið í Sviss sem fjórtánda besta landslið heims samkvæmt styrkleikalista FIFA. Getty/Alex Nicodim

Íslenska kvennalandsliðið í fótbolta er í fjórtánda sæti á nýjum heimslista Alþjóða knattspyrnusambandsins, FIFA, sem var opinberaður í morgun.

Íslenska liðið dettur niður um eitt sæti eftir að hafa farið upp í þrettánda sæti á síðasta lista sem var gefinn út í mars.

Ítalska landsliðið kemst upp fyrir Ísland á þessum nýja lista.

Norðmenn detta líka niður um eitt sæti á listanum en þær norsku eru í sextánda sæti.

Bandaríkin, Spánn og Þýskaland eiga þrjú bestu kvennalandslið heims en Englendingar misstu fjórða sætið til Brasilíu.

Brasilíska landsliðið hækkaði sig um fjögur sæti milli lista og fór upp fyrir England, Japan, Svíþjóð og Kanada.

Ísland mætir Noregi, Sviss og Finnlandi í úrslitakeppni Evrópumótsins í næsta mánuði. Sviss heldur 23. sætinu en Finnar lækka um eitt niður í sæti 26. Þrjár af fjórum þjóðum í riðlinum lækkuðu sig því á listanum.

Landslið kvenna í fótbolta FIFA EM 2025 í Sviss

Mest lesið


Fleiri fréttir

Sjá meira


×

Mest lesið