Fótbolti

Tekur við liðinu sem hann barðist við í mörg ár

Óskar Ófeigur Jónsson skrifar
Jonatan Giraldez fagnar sigri Barcelona á Olympique Lyon í úrslitaleik Meistaradeildar kvenna vorið 2024. Nú er hann tekinn við sem þjálfari Lyon.
Jonatan Giraldez fagnar sigri Barcelona á Olympique Lyon í úrslitaleik Meistaradeildar kvenna vorið 2024. Nú er hann tekinn við sem þjálfari Lyon. Getty/David Ramos

Jonatan Giráldez er nýr þjálfari frönsku meistarana í OL Lyon og snýr því aftur til Evrópu eftir eins árs veru í bandaríska fótboltanum.

Giráldez hætti að þjálfa Barcelona vorið 2024 til að taka við liði Washington Spirit. Nú hætti hann skyndilega með Spirit en tekur í staðinn við gömlum erkifjendum.

Kvennalið Barcelona komst upp á toppinn í þjálfaratíð Giráldez frá 2021 til 2024. Liðið tapaði fyrir Lyon í úrslitaleik Meistaradeildarinnar 2022 en vann síðan næstu tvö ár á eftir. Í seinni úrslitaleiknum fagnaði Barcelona einmitt 2-0 sigri á Lyon.

Það auðveldar þessa tilfærslu hjá Giráldez að bæði Washington Spirit og OL Lyon eru í eigu Michele Kang. ESPN segir frá.

Giráldez er 33 ára gamall. Hann var aðstoðarþjálfari Barcelona frá 2019 til 2021 og tók síðan við sem aðalþjálfari 2021.

Á þremur tímabilum sínum með aðalþjálfari vann liðið sjö af níu stórum titlum í boði þar af þrefalt á lokatímabili hans 2023-24.

OL Lyon vann á dögunum sinn átjánda franska meistaratitil á síðustu nítján tímabilum en datt út í undanúrslitum Meistaradeildarinnar á móti verðandi meisturum Arsenal.

Franski boltinn Meistaradeild Evrópu í fótbolta kvenna

Mest lesið


Fleiri fréttir

Sjá meira


×

Mest lesið