Sekt upp á sex­tíu milljónir króna fyrir að ná ekki vigt

The Guardian greinir frá. Í frétt miðilsins segir að hinn 35 ára gamli Eubanks hafi tvívegis reynt að ná vigt á föstudag en í hvorugt skiptið hafi það gengið. Aðeins vantaði 22 grömm upp á að Eubanks myndi ná vigt en hnefaleikakapparnir þurftu að vera 72,5 kílógrömm til að ná vigt.

Báðir kappar hafa samþykkt klásúlu sem bannar þeim að bæta meira en 4,5 kílógrömmum á sig frá vigtun fram að bardaga. Það mun ekki hafa mikil áhrif á Benn sem náði vigt en Eubanks hefur keppt í ofur-millivigt, þyngdarflokk fyrir ofan millivigt, og er því vanur að vera nokkuð þyngri en hann verður þegar bardagi kvöldsins hefst.

Eubanks fær milljón Bandaríkjadala, 128 milljónir íslenskra króna, fyrir að bæta ekki á sig meiru en 4,5 kílógrömmum frá vigtun til bardaga. Ef hann bætir meiru á sig þarf hann að gefa milljónirnar til baka sem og auðvitað að greiða sektina fyrir að ná ekki vigt.