Willum Þór Willumsson lék allan leikinn og Alfons Sampsted lék rúma klukkustund þegar Birmingham vann 2-1 útisigur á Peterborough United í ensku C-deildinni.
BIRMINGHAM. ON THE RISE AGAIN. 🔵 pic.twitter.com/LQsWdPS3TR
— Birmingham City FC (@BCFC) April 8, 2025
Sigurinn tryggir liðinu sæti í ensku B-deildinni á næstu leiktíð en liðið er komið með 95 stig þegar enn eru sex umferðir eftir. Jafnframt er liðið aðeins einum sigri frá því að tryggja sér sigur í deildinni en Wrexham er í 2. sæti með 81 stig.
Stefán Teitur var á sínum stað á miðjunni hjá Preston í kvöld og lék allan leikinn. Skagamaðurinn kom sínum mönnum í 2-1 eftir undirbúning Mads Frøkjær-Jensen þegar aðeins átján mínútur lifðu leiks. Heimamönnum tókst hins vegar ekki að halda út og lauk leiknum með 2-2 jafntefli.
Cold. 🥶#pnefc pic.twitter.com/5pNpV9PJBm
— Preston North End FC (@pnefc) April 8, 2025
Preston er sem stendur með 49 stig í 14. sæti að loknum 41 leik. Liðið er 11 stigum frá sæti í umspili um sæti í ensku úrvalsdeildinni og sjö stigum frá fallsæti þegar fimm umferðir eru eftir.