Handbolti

Hálfleiksræða Dags kveikti á króatíska liðinu

Óskar Ófeigur Jónsson skrifar
Dagur Sigurðsson var að stýra króatíska landsliðinu í fyrsta sinn eftir ævintýrið á HM.
Dagur Sigurðsson var að stýra króatíska landsliðinu í fyrsta sinn eftir ævintýrið á HM. AFP/Damir SENCAR

Króatar sóttu tvö stig til Tékklands í kvöld í undankeppni Evrópumótsins i handbolta og eru því eins og Íslendingar með fullt hús í toppsæti síns riðils.

Króatía vann Tékkland með sex marka mun, 35-29, eftir að staðan var jöfn í hálfleik 18-18. Báðar þjóðir höfðu unnið tvo fyrstu leiki sína í undankeppninni en Belgía og Lúxemborg eru einnig í riðlinum.

Króatíska liðið er því að byggja ofan á góða frammistöðu sína á HM en Tékkarnir urðu í nítjánda sæti á heimsmeistaramótinu.

Þetta var greinilega frábær hálfleiksræða hjá Degi Sigurðssyni, landsliðsþjálfara Króatíu, í kvöld því hans menn skoruðu sjö fyrstu mörk seinni hálfleiksins.

Staðan var eins og áður sagði 18-18 í hálfleik en eftir sjö mínútna leik í seinni hálfleik var staðan orðin 25-18 fyrir Króata. Eftir það voru Krótarnir með örugga forystu til leiksloka.

Krótar náðu mest níu marka forystu í þessum frábæra seinni hálfleik liðsins en Tékkarnir lögðuðu örlítið stöðuna undir lokin.

Tin Lucin, sem spilar með Nexe Nasice í Króatíu, átti frábæran leik og skoraði níu mörk úr ellefu skotum í leiknum.

Króatía EM karla í handbolta 2026

Mest lesið


Fleiri fréttir

Sjá meira


×

Mest lesið