Glæsi­legir gestir á fjáröflunar-ga­la­kvöldi Ljóssins

Veislustjórar kvöldsins voru Selma Björnsdóttir og Friðrik Ómar. Fram komu Halldór Gunnar, Sverrir Bergmann og Jóhanna Guðrún. DJ Dóra Júlía og Atli Kanill sáu um að þeyta skífum. Boðið var upp á málverkauppboð með góðum undirtektum.

Í tilkynningu segir að kvöldið hafi verið hið glæsilegasta og vel sótt af gestum sem mættu í sínu fínasta pússi. Ýmsir góðir styrktaraðilar lögðu sitt af mörkum til að gera kvöldið mögulegt,

„Það er ómetanlegt að finna velviljann í samfélaginu. Við þurfum öll að standa saman í að byggja nýtt hús fyrir fólkið okkar. Ég er full þakklætis öllum þeim sem lögðu sitt að mörkum, hvort sem er með aðföng, skemmtiatriði eða komu á viðburðinn okkar” segir Erna Magnúsdóttir framkvæmdarstýra Ljóssins.