Innlent

Kjafts­högg, falin hætta og deila um ís­lenska at­riðið

Sunna Sæmundsdóttir skrifar
Kolbeinn Tumi Daðason fréttastjóri Vísis, Stöðvar 2 og Bylgjunnar les fréttirnar í kvöld sem eru í opinni í dagskrá.
Kolbeinn Tumi Daðason fréttastjóri Vísis, Stöðvar 2 og Bylgjunnar les fréttirnar í kvöld sem eru í opinni í dagskrá. Stöð 2

Minnst fimm kennarar við Flataskóla og einn við Garðaskóla hafa sagt starfi sínu lausu vegna stöðunnar í kjaradeilu kennara og fleiri hugsa sig um. Í kvöldfréttum Stöðvar 2 verður rætt við eina þeirra sem hefur lagt fram uppsagnarbréf. Þá ræðum við einnig við fulltrúa samninganefnda í kennaradeilunni sem funduðu hjá ríkissáttasemjara í dag og lýsa miklum vonbrigðum með stöðu mála.

Afar algengt er orðið ungmenni deili staðsetningu sinni með vinum og kunningjum í gegnum hin ýmsu snjallsímaforrit, meðvitað og ómeðvitað. Við hittum sérfræðing sem óttast að vanþekking ríki um hættur sem þessu fylgja.

Arkitekt gagnrýndi uppbyggingu í Reykjavík harðlega í kvöldfréttum í gær og sagði borgina orðna ljóta. Við heyrum í borgaryfirvöldum sem geta ekki fallist á þetta en viðurkenna þó að oft megi gera betur.

Þá sjáum við myndir af reynsluflugi fljúgandi bíls, köfum ofan í deilu um íslenska framlagið í Eurovision og verðum í beinni frá tónleikum til minningar um tónlistarmanninn Árna Grétar Futuregrapher.

Í Sportpakkanum hittum við nýjasta Víkingin Gylfa Þór sem mætir hálfmeiddur til félagsins og í Íslandi í dag heyrir Vala Matt sögu Írisar Hólm sem tók málin í sínar hendur eftir að hafa glímt við ofþyngd og mikla vanlíðan.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið