Magnaður Há­kon tryggði Lil­le stigin þrjú

Leikuri Lille og Monaco í dag var afar mikilvægur baráttunni um Evrópu en fyrir leikinn var Lille í 5. sæti með 38 stig en Monaco í 3. sæti með 40 stig.

Það var greinilegt að Hákon Arnar ætlaði sér sigur í dag. Hann kom Lille í 1-0 á 22. mínútu með góðu skoti úr teignum eftir frábæran sprett og hann bætti öðru marki við á á 42. mínútu og staðan orðin 2-0.

Takumi Minamino minnkaði muninn fyrir Monaco í uppbótartíma fyrri hálfleiks en í síðari hálfleiknum tókst liðunum ekki að bæta við marki og gríðarlega mikilvægur 2-1 sigur Lille því niðurstaðan.

Hákon Arnar er kominn með fjögur mörk í frönsku deildinni á tímabilinu en hann hefur komið sterkur til baka eftir að meiðsli héldu honum frá keppni í rúma tvo mánuði fyrir áramótin.

Lille er nú í 3. sæti frönsku deildarinnar en þrjú efstu liðin tryggja sér sæti í Meistaradeildinni á næstu leiktíð.