Neymar á heim­leið?

Neymar gekk til liðs við Al Hilal haustið 2023 en hefur aðeins leikið sjö leiki með liðinu síðan þá vegna meiðsla. Fyrst sleit hann krossband og meiddist svo aftur í nóvember þegar hann kom til baka eftir krossbandsslitin.

Samningur hans við Al Hilal rennur út í sumar og þrátt fyrir að Neymar hafi þénað vel í Sádí Arabíu er ekki talið líklegt að hann framlengi samninginn ef liðið hefur á annað borð áhuga á að halda honum. Hann er sem sakir standa ekki skráður í leikmannahóp liðsins í deildinni þar sem liðið hefur fullnýtt heimild sína til að skrá erlenda leikmenn í hópinn.