Al Qadisiya vann leikinn 3-0 eftir að hafa verið 1-0 yfir í hálfleik.
Eftir smá basl í byrjun á tímabilinu er lið Al Qadisiya að komast í gang.
Liðið hefur nú náð í tíu stig af tólf mögulegum í síðustu fjórum leikjum sínum og eru þær fyrir vikið komnar upp í fjórða sæti deildarinnar. Markatalan í þessum fjórum leikjum er 15-3.
Þær komust þó ekki upp fyrir Al Shabab sem er í þriðja sætinu með tólf stig. Toppliðin Al Ahli SC, og Al Nassr eru síðan með átján stig en þau hafa bæði unnið alla sex leiki sína til þessa.
Hin franska Léa Le Garrec kom Al Qadisiya í 1-0 á 29. mínútu og sú kamerúnska Ajara Nchout bætti við öðru marki á 55. mínútu. Yara Al-Faris skoraði síðan þriðja markið í lokin.
Sara Björk Gunnarsdóttir var í byrjunarliðinu eins og vanalega.
"بناتـنا" يهزمـون "الشبـاب" 🤷🏻♀️❤️#سيدات_القادسية | #الدوري_الممتاز_للسيدات pic.twitter.com/8elHxuhPAZ
— سيدات القادسية | AlQadsiah Ladies (@QadsiahWFC) December 12, 2024