Sæ­dís og fé­lagar fyrstar til að stoppa Bæjara

Bayern hafði unnið þrjá fyrstu leiki sína en varð að sætta sig við 1-1 jafntefli á útivelli á móti norsku meisturunum í Vålerenga.

Þetta var fyrsta stigið hjá Sædísi Rún Heiðarsdóttur og félögum í Vålerenga eftir tap í þremur fyrstu leikjunum.

Jovana Damnjanovic kom Bæjurum yfir með marki á 75. mínútu eftir stoðsendingu frá Giuliu Gwinn.

Þær norsku svöruðu hins vegar með jöfnunarmarki tveimur mínútum fyrir leikslok en það skoraði Elise Thorsnes.

Sædís Rún spilaði allan leikinn með Vålerenga alveg eins og Glódís Perla hjá Bayern.

Khadija Shaw skoraði bæði mörk Manchester City í 2-1 sigri á sænska liðinu Hammarby á útivelli. Mörkin skoraði hún á 31. og 52. mínútu en Ellen Wangerheim hafði jafnað metin á 48. mínútu.