Innlent

Ekkert bendi til þess að kvikusöfnun sé að hætta

Jón Þór Stefánsson skrifar
Grindavíkurvegur hefur lent illa í því í eldgosunum á Reykjanesskaga.
Grindavíkurvegur hefur lent illa í því í eldgosunum á Reykjanesskaga. Vísir/Arnar

Landris og kvikusöfnun undir Svartsengi hefur haldið áfram á svipuðum hraða síðustu vikuna. Haldi hún áfram á svipuðum hraða og undanfarið er líklegasta sviðsmyndin sú að annað kvikuhlaup og mögulega eldgos verði á Sundhnúksgígaröðinni.

Þetta kemur fram í stöðuuppfærslu Veðurstofunnar.

Þar segir að GPS-mælingar á Svartsengissvæðinu sýna að landris sé stöðugt. Í síðustu viku hafi líkanreikningar, sem byggi á GPS gögnunum, sýnt að örlítið hafi dregið úr kvikuinnflæði undir Svartsengi. Ekkert bendi til að það hafi dregið meira úr hraðanum, og þá bendi ekkert í gögnum til þess að kvikusöfnun undir Svartsengi sé að hætta.

Þá segir að fyrirvari vegna yfirvofandi eldgoss geti verið mjög skammur, en hann geti verið allt niður í hálftíma langur.

Hættumat á svæðinu er óbreytt, en í gær var greint frá því að aðgangur að Grindvík yrði hindranalaus frá og með mánudagsmorgni.

Eldgos og jarðhræringar Eldgos á Reykjanesskaga Grindavík

Mest lesið


Fleiri fréttir

Sjá meira


×

Mest lesið