Fótbolti

Glódís búin að skora gegn Arsenal

Smári Jökull Jónsson skrifar
Glódísi Perlu er hér fagnað af liðsfélögum sínum eftir markið.
Glódísi Perlu er hér fagnað af liðsfélögum sínum eftir markið. Vísir/Getty

Glódís Perla Viggósdóttir er búin að skora fyrir Bayern Munchen í Meistaradeild kvenna í knattspyrnu en hún jafnaði metin í 1-1 gegn Arsenal með góðu skallamarki. Bayern er með 2-1 forystu en leikurinn er enn í fullum gangi.

Glódís Perla var að sjálfsögðu á sínum stað í byrjunarliði Bayern en liðið tekur á móti Arsenal á heimavelli sínum í Þýskalandi.

Arsenal komst yfir á 30. mínútu með marki frá Mariona Caldentey en undir lok fyrri hálfleiks jafnaði Glódís Perla metin í 1-1 með góðu skallamarki. Hún vann þá skallaeinvígi á fjærstönginni og skallaði boltann í boga í fjærhornið yfir hina austurrísku Manuela Zinsberger í marki Arsenal.

Í upphafi síðari hálfleiks skoraði Sydney Lohmann síðan annað mark fyrir Bayern og kom liðinu í 2-1 forystu. Skömmu síðar jafnaði Laia Codina metin í 2-2 og þannig standa leikar nú þegar síðari hálfleikur er rúmlega hálfnaður.

Glódís Perla sést hér skalla boltann og skora fyrir Bayern Munchen gegn Arsenal í Meistaradeild Evrópu.Vísir/Getty
Meistaradeild Evrópu í fótbolta kvenna

Mest lesið


Fleiri fréttir

Sjá meira


×

Mest lesið