Ung­lingar á ofsa­hraða reyndu að stinga lög­regluna af

Frá málinu er greint á Facebook-síður lögreglunnar, en þar segir að lögreglumenn hafi mætt bílnum á Vesturlandsvegi við Hafnarfjall en þá hafi hann verið á 145 kílómetra hraða.

„Þeir veittu bifreiðinni strax eftirför með blá ljós tendruð en ökumaðurinn stöðvaði ekki för sína þrátt fyrir að honum væri gefin stöðvunarmerki heldur jók ferðina og reyndi að stinga lögregluna af,“ segir í tilkynningunni.

Ökumaðurinn hafi mætt öðrum lögreglubíl sem ók um Vesturlandsveg. Þá var bíllinn mældur á 188 kílómetra hraða.

Fjarskiptamiðstöð lögreglu hafi verið gert viðvart um eftirförina og sjúkrabifreið ræst út frá Borgarnesi til öryggis.

Ökumaðurinn hafi ekið áfram Vesturlandsveg inn á Borgarfjarðarbraut en eftirförinni lauk á Hvítárvallarvegi þar sem ökumaður stöðvaði bifreiðina og gafst upp. Hann var handtekinn á staðnum.

Líkt og áður segir voru ökumaðurinn og farþegarnir sautján og átján ára gamlir. Því var haft var samband við foreldra og barnavernd gert viðvart.

„Ökumaðurinn var fluttur á lögreglustöðina á Akranesi þar sem hann var sviptur ökuréttindum á staðnum og á hann von á hárri sekt að auki.“