Fótbolti

Alexandra og Svein­dís Jane mætast í Meistara­deildinni

Runólfur Trausti Þórhallsson skrifar
Sveindís Jane Jónsdóttir og stöllur í Wolfsburg komust í úrslit 2023. Liðið komst hins vegar ekki í riðlakeppnina á síðustu leiktíð.
Sveindís Jane Jónsdóttir og stöllur í Wolfsburg komust í úrslit 2023. Liðið komst hins vegar ekki í riðlakeppnina á síðustu leiktíð. Swen Pförtner/Getty Images

Landsliðskonurnar Alexandra Jóhannsdóttir og Sveindís Jane Jónsdóttir mætast í forkeppni Meistaradeildar Evrópu eftir að lið þeirra drógust saman fyrr í dag.

Fyrr í dag var dregið hvaða lið mætast í umspilinu um sæti í riðlakeppni Meistaradeildar Evrópu kvenna í knattspyrnu. Þar drógust Fiorentina og Wolfsburg saman en Alexandra spilar með Fiorentina á meðan Sveindís Jane spilar með Wolfsburg.

Amanda Andradóttir og liðsfélagar hennar í Twente slógu Val út í 1. umferð og mæta nú Osijek frá Króatíu. Sædís Rún Heiðarsdóttir og stöllur í Vålerenga mæta Anderlecht frá Belgíu. Þá mætast Sporting og Real Madríd en fyrrnefnda liðið sló Breiðablik úr keppni.

Leikið er heima og að heiman. Sigurvegarinn úr hverju einvígi fyrir sig fer í riðlakeppnina. Leikirnir fara fram 18. og 26. september næstkomandi.

Fótbolti Meistaradeild Evrópu í fótbolta kvenna

Mest lesið


Fleiri fréttir

Sjá meira


×

Mest lesið