Innlent

„Guðs mildi að þetta hafi stoppað þarna“

Jón Þór Stefánsson skrifar
Að sögn Páls er áhrifamikið að sjá hvernig hraunið hefur vafið sig um grindverkið.
Að sögn Páls er áhrifamikið að sjá hvernig hraunið hefur vafið sig um grindverkið. Páll Valur

„Það er alveg með hreinum ólíkindum að koma að þessu. Hún hefur ekki hreyfst girðingin, en hraunið vafði sér eiginlega utan um hornið þarna,“ segir Páll Valur Björnsson, fyrrverandi þingmaður og Grindvíkingur, um hraun sem stoppaði við hús í Grindavík í janúar á þessu ári.

Páll Valur skoðaði húsið ásamt nemendum við Fisktækniskólann í dag, tók myndir af girðingunni sem er umlukin hrauni og birti á Facebook.

Fisktækniskólinn var áður starfræktur í Grindavík en er nú á Sandgerði. Páll Valur tók nemendurna til að skoða bæinn, og hvernig fyrirtæki starfa í bænum. Þá langaði að skoða þennan hluta bæjarins þar sem hraunið flæddi inn og ákváðu að fara þangað.

„Að sjá þetta svona með eigin augum var alveg ótrúlegt, og svo er eyðileggingin í næstu húsunum við hliðina á. Það var áhrifamikið að sjá þetta,“ segir Páll Valur í samtali við fréttastofu.

„Ef gosið hefði haldið áfram þarna hefði þetta hús bara farið líka, og fleiri fleiri hús. Það var eiginlega bara Guðs mildi að þetta hafi stoppað þarna.“

Eldgos og jarðhræringar Eldgos á Reykjanesskaga Grindavík

Mest lesið


Fleiri fréttir

Sjá meira


×

Mest lesið