Flogið beint til Brno í fyrsta skipti frá Ís­landi

„Brno var stórmerkileg borg fyrrum og mikil hátækniborg. Hún var höfuðborg Moravíu en Morvaía er af mörgum talin fegursti hluti Tékkands og er einnig er frægasta vínhérað landsins. Það er virkilega gaman að bjóða upp á beint flug frá Íslandi og á móti koma 180 tékkar í sína fyrstu heimsókn til Íslands,“ segir Andri Már Ingólfsson, eigandi ferðaskrifstofunnar Aventura.

Hann segir ferð til Brno sannarlega fyrir menningarþyrsta en borgin fræg fyrir að vera bæði stjórnmála- og listasetur Tékklands, glæsilegar byggingar í miðaldastíl trekkja að og þá er enginn svikinn af ótrúlegri matarmenningu, listum og vínrækt.

Hér kynnist fólk aldagamalli menningu. Elsti hluti borgarinnar er stórkostlegur en þar er til að mynda ráðhúsið frá 13.öld og Spilberk Kastalinn, einnig frá 13.öld og þá Þá má nefna Moravian galleríið sem er eitt stærsta listasafn Tékklands og Dómkirkja Péturs og Páls sem stendur á Petrov hæðinni þaðan sem einstakt útsýni er yfir borgina.

Íslensk fararstjórn verður í ferðinni og eiga gestir kost á að fara í ógleymanlega gönguferð um borgina með leiðsögn fararstjóra. Vínsmökkun í vínkjallara Valtice hallarinnar þar sem frægustu vín Tékklands er að finna og bjórsmökkun í frægustu bjórverksmiðju landsins, Starobrno. Þá verður hægt að heimsækja Auzterlitz sem er vettvangur frægustu orustu Napóleons.

Andri Már bendir á að tíminn nýtist einstaklega vel í ferðinni þar sem flogið er út að morgni morgni 25. október og heim að kvöldi 28. október. „Fólk getur því nýtt alla fjóra dagana til fulls.“ Nánari upplýsingar um ferðina er að finna hér.