Innlent

Land­ris nú hraðara en fyrir síðasta eld­gos

Tómas Arnar Þorláksson skrifar
Landrisið mælist nú hraðara en fyrir síðasta eldgos sem hófst þann 29. maí.
Landrisið mælist nú hraðara en fyrir síðasta eldgos sem hófst þann 29. maí. Vísir/Vilhelm

Kvikuflæði heldur áfram undir Svartsengi en hraði landriss mælist nú meiri en fyrir síðasta eldgos á Reykjanesinu sem hófst þann 29. maí og lauk 22. júní. Í tilkynningu á vefsíðu Veðurstofu Íslands kemur fram að líkur eru á öðru kvikuhlaupi eða eldgosi á næstu vikum eða mánuðum.

Veðurstofan hefur uppfært hættumat sitt en landrisið undir Svartsengi er nú á svipuðum hraða og í byrjun árs. Þrettán til nítján milljónir rúmmetrar fóru úr kvikuhólfinu þegar eldgosið hófst 29. maí.

Miðað við núverandi innflæði verður kvikuhólfið undir Svartsengi komið í svipaða stöðu og fyrir síðasta eldgos eftir þrjár til sex vikur. 

„Veðurstofa Íslands hefur uppfært hættumat sem gildir að öllu óbreyttu til 9. júlí. Hættur tengdar hraunrennsli og gasmengun hefur verið lækkað en heildar hættumatið er óbreytt, fyrir utan tvö svæði. Hættustig innan svæðis 3 fer úr því að vera mikið (rautt) í það að vera töluvert (appelsínugult) og innan svæðis 5 úr því að vera töluvert (appelsínugult) í það að vera í nokkurt (gult),“ segir í tilkynningu Veðurstofunnar.

Eldgos og jarðhræringar Eldgos á Reykjanesskaga Grindavík

Tengdar fréttir

Eldgosinu líklegast lokið

Eldgosinu sem hófst 29. maí virðist vera lokið. Þetta kemur fram í Facebook-færslu Veðurstofu Íslands. 

Mest lesið


Fleiri fréttir

Sjá meira


×

Mest lesið