Allt sem þú þarft fyrir Mids­um­mer há­tíðina

Hvernig er klæðnaðurinn?

Midsummer hátíðin er full af lífi og gleði og klæðnaðurinn ætti að endurspegla þann anda. Hér eru nokkrar hugmyndir að klæðnaði úr verslun Ginu Tricot. Það sem ber að hafa í huga er að velja helst létta flæðandi kjóla, hvítan fatnað eða fatnað með fallegu blómamunstri.

Blómakransar

Blómakransar á höfði eru klassískur hluti af Midsummer hátíðinni. Þú getur annað hvort keypt tilbúna kransa eða búið til þinn eigin með ferskum blómum. Tilbúna blómakransa færðu t.d. í verslun Ginu Tricot og Lindex en svo má auðvitað setja saman sinn eigin úr ferskum blómum.

Litríkar neglur

Midsummer hátíðin er fullkomið tækifæri til að leika sér með litríkar og skemmtilegar neglur. Hvort sem þú velur blómamynstur, pastellit eða litríkar franskar neglur, þá muntu án efa fanga sumarstemninguna. Láttu ímyndunaraflið ráða för og njóttu þess að skapa fallegar og litríkar neglur fyrir Midsummer veisluna. Nýjasta naglalakkalínan frá essie er tileinkuð miðsumar hátíðinni. Hún inniheldur sex bjarta og fallega liti sem eru eingöngu fáanlegir á Norðurlöndunum til að fagna þessari skemmtilegu hátíð. Þú færð litina á öllum sölustöðum essie á Íslandi.

Stöng með blómum og grænum laufum

Stöngin, eða „majstången“, er hjarta Midsummer hátíðarinnar. Hún er skreytt blómum og laufum, og dansað er í kringum hana. Það er hefð fyrir að fólk safnist saman og hjálpist að við að skreyta stöngina, sem er frábær leið til að koma öllum í veisluskapið.

Tónlist og dans

Tónlist og dans eru stór hluti af hátíðinni. Hefðbundin þjóðlög eru spiluð og fólk dansar kringum majstången. Að auki eru oft haldnar tónlistarhátíðir og böll þar sem fólk getur skemmt sér fram eftir nóttu.

Góður matur og drykkir 

Veislan snýst einnig um mat og drykki. Það eru nokkrar klassískar réttir sem eru ómissandi, eins og nýjar kartöflur með dilli, síld í ýmsum útgáfum, reyktur lax og rjómaostur. Fyrir sælkera er einnig vinsælt að hafa kökur og ber með rjóma. Að sjálfsögðu má ekki gleyma snapsinum og tilheyrandi söngvum sem fylgja hverjum sopa.

Ef þú vilt þó sleppa snapsinum þá eru hér góðar hugmyndir að drykkjum til að bjóða upp á! Með því að blanda djúsþykkni út í bláan Kristal er hægt að töfra fram ótrúlega frískandi drykki, t.d. með djúsþykknum frá Fun Light.

Go Wild-Flower aka Berjadís

Frískandi blanda af Noric Berries þykkni frá Fun Light og Kristal.

In a Daisy aka Paradísardrykkur

Frískandi blanda af Tropical Passion þykkni frá Fun Light og Kristal.

Samvera með þínum nánustu

Midsummer hátíðin snýst ekki bara um skemmtanir heldur einnig um samveru með fjölskyldu og vinum. Það er tími til að slaka á, njóta náttúrunnar og eiga gæðastundir með þeim sem manni þykir vænt um. Það er ómetanlegt að deila þessum stundum saman og skapa minningar sem endast.

Með réttu blöndunni af hefðum, mat, drykk, tónlist, leikjum og góðum félagsskap getur hver Midsummer hátíð orðið eftirminnileg. Það er mikilvægt að halda í hefðirnar en einnig að búa til nýjar, persónulegar hefðir sem gera hátíðina ennþá sérstæðari.