Forsetaáskorunin: Grefur upp gamlar ger­semar úti um allan heim.

Helga Þórisdóttir er í framboði til forseta Íslands.

Hver er uppáhalds staðurinn þinn á Íslandi?

Landið og náttúran öll hér er stórkostleg og ég uni mér best fyrir utan borgarmörkin. En ef ég á að velja einn stað, þá ber ég miklar tilfinningar til Hlíðar, í landi Reykja í Mosfellssveit, þar sem amma og afi áttu sumardvalarstað.

Ef þú fengir að ráða, hvaða einu breytingu myndir þú helst vilja gera á forsetaembættinu?

Ég sé ekki í fljótu bragði neitt sem ég myndi vilja breyta þar. Áfram þarf að hafa forsetaembættið opið og alþýðlegt og hlusta á fólkið í landinu – en um leið tryggja að þar eigi þjóðin málsvara, sem styður þjóðina.

Segjum sem svo að þú tapir kosningunum og ákveðir í kjölfarið að snúa þér að blönduðum bardagalistum, hvaða lag myndir þú spila áður en þú færir inn í átthyrninginn?

The ceiling can´t hold us.

Er einhver „samsæriskenning“ sem þú telur vera sanna eða mikið til í?

Ég trúi ekki á samsæriskenningar.

Ef þú ætlar að gera vel við þig, hvað fer á diskinn og í glasið?

Kræklingur, franskar og gott hvítvín.

Uppáhalds bíómynd?

Dirty dancing.

Hefur þú komist í kast við lögin?

Nei, en ég hef komið fólki í kast við lögin, nokkrum sinnum.

Hvert er þitt uppáhalds áhugamál sem gæti þótt skrítið?

Að grafa upp gamlar gersemar á mörkuðum úti um allan heim.

Uppáhalds sjónvarpsþættir?

Vera Stanhope í Norðumbralandi – og allt í þeim anda.

Hver er þín uppáhalds líkamsrækt?

Badminton og dans.

Saknar þú einhvers frá Covid-árunum?

Já, ég sakna þess heilmikið hvað öll fjölskyldan var mikið saman.

Hver er eftirminnilegasta stundin þegar þú þurftir að stíga út fyrir þægindarammann?

Fyrsta skipti sem ég steig inn í dómsal sem fulltrúi ríkissaksóknara, til að sækja fólk til saka.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

Daddy cool, með Boney M.

Áttu þér draumabíl?

Já, Land Rover.

Hvernig slappar þú af?

Allra best er að leggjast fyrir framan sjónvarpið og láta Veru leysa málin.

Ertu með húðflúr?

Já.

Hvað verður fyrst upp á vegg þegar þú sest að á Bessastöðum?

Fjölskyldumynd – og málverk eftir Sigtrygg Bjarna Baldvinsson.

Hvaða þjóðarleiðtoga myndir þú helst vilja hitta og hvað yrði það fyrsta sem þú myndir segja?

Ég myndi vilja hitta Spánarkonung – og elda með honum saltfisk.

Kanntu á eitthvað hljóðfæri?

Nei, en ég reyndi að læra bæði á blokkflautu og píanó.

Hver er uppáhalds tölvuleikurinn þinn?

Ég spila ekki tölvuleiki.

Ef gerð yrði kvikmynd um þig, hver ætti að leika þig?

Halldóra Geirharðsdóttir. Titillinn yrði „Kona fer í framboð“.

Ef þú yrðir skipreka á eyðieyju, hvaða einn mótframbjóðanda tækir þú með þér?

Án efa Ásdísi Rán – því þá myndi ég pína hana til að kenna mér á Instragram filterinn sinn.

Hefur þú einhverja umdeilda skoðun, sem gæti orðið fréttamál á heimsvísu? Samanber skoðun Guðna Th á pítsuáleggjum.

Já, ég trúi á álfa.