Sara Björk ekki á­fram hjá Juventus

Sara Björk hefur spilað með ítalska félaginu undanfarin tvö ár. Hún varð bikarmeistari með Juventus og vann einnig Ofurbikarinn.

Sara kom til liðsins sumarið 2022 eftir að hafa verið áður hjá franska félaginu Lyon. Hún lék 49 leiki með Juventus í öllum keppnum og skoraði í þeim fimm mörk.

Juventus þakkar Söru fyrir tíma hennar hjá félaginu og óskar henni góðs gengis í framtíðinni.

Það verður fróðlegt að sjá hvað Sara Björk gerir núna en hún er 33 ára gömul og hefur spilað sem atvinnumaður í Evrópu frá árinu 2011.