Gítar­leikarinn Duane Eddy er látinn

Eiginkona hans, Deed, segir hann hafa andast af völdum krabbameins í Tennessee síðastliðinn þriðjudag.

Duane Eddy, sem var kallaður Konungur twang-sins (e. King of Twang), vann til fjölda Grammy-verðlauna á ferli sínum og átti röð smella á sjötta og sjöunda áratugarins. Hann kom aftur lagi á vinsældarlista með nýrri útgáfu á lagi sínu Peter Gunn árið 1986.

Eddy var tekinn inn í Frægðarhöll rokksins árið 1994.

Talsmaður tónlistarmannsins segir í samtali við Variety að Duane Eddy hafi veitt heilli kynslóð gítarista innblástur með sínu einkennandi twang-gítarhljóði sínu. Hann hafi verið fyrsti gítarguð rokksins og einstaklega hógvær og einstakur maður. „Hans verður sárt saknað.“

Í frétt BBC segir að hann hafi verið sjálflærður og á ferli sínum veitt tónlistarfólki – allt frá Bítlunum til Blondie – innblástur. Hann seldi rúmlega 100 milljónir platna á rúmlega sjö áratuga löngum ferli.