Gaslykt í Reykja­nes­bæ vegna blöndu frá hrauninu og virkjuninni

Í færslu stofnunarinnar á Facebook segir að mengunin sem fólk hefur fundið fyrir sé blanda af mengun frá nýja hrauninu við Grindavík og frá útblæstri virkjunarinnar í Svartsengi.

Þá daga sem ábendingar hafa borist hafi mælar ekki sýnt mikla brennisteinstvíoxíðsmengun úr nýja hrauninu. Mælar hafi sýnt brennisteinsvetni frá virkjuninni í Svartsengi. Það gas hafi meira afgerandi lykt.

Gas frá hrauninu geti hins vegar hvarfast yfir í brennisteinsagnir. Þær geti verið ertandi í háls fyrir viðkvæma.

Umhverfisstofnun búi yfir góðu gasmælaneti á Suðurnesjum en verið sé að vinna í því að þétta net svifryksmæla sem skynja brennisteinsagnir.