Fótbolti

Guð­ný lagði upp er AC Milan flaug í undan­úr­slit

Hjörtur Leó Guðjónsson skrifar
Guðný Árnadóttir er á leið í undanúrslit ítölsku bikarkeppninnar með AC Milan.
Guðný Árnadóttir er á leið í undanúrslit ítölsku bikarkeppninnar með AC Milan. Emmanuele Ciancaglini/AC Milan via Getty Images

Guðný Árnadóttir lagði upp annað mark AC Milan er liðið vann 3-0 sigur gegn Sassuolo í átta liða úrslitum ítölsku bikarkeppninnar í dag.

Guðný og stöllur unnu einnig 3-0 sigur í fyrri leik liðanna og því var nokkuð ljóst að sæti í undanúrslitum væri svo gott sem tryggt fyrir heimaleik liðsins í dag.

von AC Milan um sæti í undanúrslitum styrktist svo enn frekar þegar Christy Grimshaw kom liðinu í forystu strax á fjórðu mínútu áður en Guðný lagði upp annað mark liðsins fyrir Chante Dompig stundarfjórðungi síðar.

Andrea Staskova gulltryggði svo öruggan 3-0 sigur AC Milan þegar rúmar tíu mínútur voru til leiksloka eftir að hafa komið inn á sem varamaður stuttu áður.

Niðurstaðan því 3-0 sigur AC Milan og samanlagt vann liðið því 6-0. Guðný og stöllur eru þar með á leið í undanúrslit þar sem liðið mætir annað hvort Napoli eða Roma.

Ítalski boltinn

Mest lesið


Fleiri fréttir

Sjá meira


×

Mest lesið