Howe: Ég vil halda Almiron

Miguel Almiron hefur mikið verið orðaður við för frá félaginu í janúar en félög í Sádi Arabíu eru sögð vera á höttunum á eftir honum og hann var ekki í leikmannahópi Newcastle er liðið hafði betur gegn Fulham í FA bikarnum í gær.

„Ég er að segja ykkur sannleikann þegar ég segi að hann var í raun og veru veikur og þess vegna var hann ekki í leikmannahópnum,“ byrjaði Eddie Howe að segja.

„Hvað varðar framtíðina þá vonast ég til þess að hann verði áfram hjá félaginu. En hvort að hann fari þá veit ég það hreinlega ekki, ég er ekki í stöðugu sambandi við þá einstaklinga hjá félaginu sem stýra þessu. En það er auðvitað möguleiki á því að einhver leikmaður fari frá félaginu í þessari viku, ég hef sagt það áður og það hefur ekki breyst,“ endaði Howe að segja.