Reiðir kín­verskir að­dá­endur ruddust inn á hótel Ronaldos og fé­laga

Al-Nassr hefur æft í Shenzhen í Kína undanfarna daga og átti að mæta Shanghai Shenua og Zhejiang í tveimur vináttuleikjum. Ekkert verður hins vegar af þeim þar sem Ronaldo er meiddur.

Kínverskir aðdáendur voru langt frá því að vera sáttir þegar þeir heyrðu þessar fréttir og ruddust inn á hótel Al-Nassr í mótmælaskyni.

Ronaldo hefur nú beðist afsökunar á að geta ekki spilað leikina tvo í Kína. Al-Nassr gerði slíkt hið sama.

Flestir vonast eftir að Ronaldo verði búinn að ná sér af meiðslunum þegar Al-Nassr mætir stjörnum prýddu liði Inter Miami í vináttuleik 1. febrúar. Ronaldo gæti þar mætt Lionel Messi.