Janúar = Prufu­mánuður

Hvað ef janúar væri prufumánuður?

Hvað ertu búin að læra?

Hvað viltu gera öðruvísi í febrúar?

Flestir byrja nýja árið spenntir með há markmið. Nú skal mæta í ræktina, borða hollar, standa sig í námi og vinnu, hitta vini og fjölskyldu og gera alla hlutina sem þú er búin/n/ð að fresta. Hvernig gekk það?

Ertu á bömmer núna í lok janúar því það virðist ekki hafa tekist eins og þig langaði? Komu upp veikindi eða aðrar hindranir?

Í stað þess að hætta alveg líkt og flestir gera á hinum alræmda Quitters day (á föstudegi aðra vikuna í janúar skv. Strava hlaupaappinu)...

hvernig væri að líta á janúar sem prufumánuð?

Hvað myndirðu gera öðruvísi í febrúar?

Hvað ertu búin að læra um sjálfan þig?

Fórstu meira í ræktina fyrri part eða seinni part?

Þartu meiri svefn? Setja hluti í dagskrána svo þeir gerist?

Búa til plan? Kerfi sem virkar?

Fá stuðning? Hjálp frá öðrum?

Árið er rétt byrjað! Bara af því að janúar var ekki 100% þýðir ekki að þú sért úr leik. Taktu andartak, fáðu þér vatnssopa og taktu svo stöðuna.

Eins og í tölvuleik, hugsaðu hvað ætlar þú að gera öðruvísi í næsta leik?

Höfundur er alþjóðlega vottaður markþjálfi og einkaþjálfari.