Segir þurfa „ó­trú­legt til­boð“ til að Toney fái að fara

Þrátt fyrir að hafa ekki leikið knattspyrnu síðan á síðasta tímabili er Toney enn eftirsóttur af nokkrum af stórliðum Englands. Leikmaðurinn var dæmdur í langt bann fyrir fjöldamörg brot á veðmálareglum ensku úrvalsdeildarinnar, en gæti snúið aftur á völlinn er Brentford mætir Nottingham Forest þann 20. janúar næstkomandi.

Toney hefur verið lykilmaður í liði Brentford undanfarin ár og hefur skorað 63 mörk í 111 deildarleikjum fyrir félagið. Lið á borð við Arsenal og Chelsea eru sögð áhugasöm um að fá Toney í sínar raðir, en Thomas Frank virðist þó öruggur um það að halda framherjanum.

„Stutta varið er já,“ sagði Frank, aðspurður að því hvort Toney yrði áfram í herbúðum Brentford.

„Hann er samningsbundinn Brentford. Hann er hér og okkur vantar nokkra sóknarsinnaða leikmenn þannig ég sé ekki af hverju við ættum að selja hann. Ég myndi alveg vilja hafa hann hérna lengi í viðbót.“

„Það er ekki mitt að ræða einhver tilboð, en ef ég ætti að mæla með eitthverju þá myndi ég segja að það þyrfti ótrúlegt tilboð að berast til að við myndum hugsa okkur um. Þannig hann verður hér áfram.“